--- On Wed, 18/2/09, Sachin P. Gaikwad (Member HR & Admin) <spgaikwad@rinder.in> wrote:
From: Sachin P. Gaikwad (Member HR & Admin) <spgaikwad@rinder.in>
Subject: भारताला धोका अमेरिकेचा !!
To: "sanch.gaikwad@yahoo.co.in" <sanch.gaikwad@yahoo.co.in>
Date: Wednesday, 18 February, 2009, 11:23 AM
पाकिस्तानचे प्रमुख आसिफ अली झरदारी यांनी, आपला देश तालिबानींच्या विळख्यात सापडला असल्याची कबुली देण्यामागे या देशाची अंतर्गत परिस्थिती कारणीभूत आहे, पण या कबुलीचा फटका भारताला बसेल हे आपल्या सत्ताधाऱ्यांनी लक्षात घेतलेले नाही. संरक्षणशास्त्राचे अभ्यासकही पाकिस्तानवर तालिबानींचा कब्जा होण्याचे दुष्परिणाम अद्याप लक्षात घेत नाहीत असे दिसते.
पाकिस्तानमध्ये तालिबानी गोंधळ घालत आहेत ही बातमी नवीन नाही. स्वॅट खो-यात तर तालिबानींचे राज्य चालते. तेथे त्यांनी मुलींना शाळेत जायला बंदी घातली आहे. ज्या मुलींनी प्रयत्न केले त्यांच्या पोटाशी बाँब लावून या मुलींची क्रुर हत्या करण्यात आली. तेथील सिनेमा थिएटर्स बंद करण्याचा फतवा अतिरेक्यांनी काढला आहे.
याखेरीज, पाकिस्तानच्या अफगाण सीमेवरही तालीबानी फोफावले आहेत. खुद्द पाक लष्करातही अतिरेकी विचार मांडणारे घुसले आहेत. पाकिस्तानात लोकशाही मार्गाने निवडून आलेले सरकार असले तरी तालिबानी आणि लष्कर यांना सत्ताधारी आवर घालण्यात फार यशस्वी ठरले आहेत असे नव्हे.
अशा परिस्थितीत आमचा देश जवळपास अतिरेक्यांच्या ताब्यात गेला आहे असे या सरकारने सांगितले तर त्याचा फायदा घेण्यासाठी सर्वात प्रथम पुढे सरकेल अमेरिका. कारण न्यू यॉर्कमधील वर्ल्ड ट्रेड सेंटरचे टॉवर्स अतिरेक्यांनी उडवल्यानंतर अमेरिकेने मुस्लीम दहशतवाद्यांविरुद्ध युद्ध पुकारले आहे. याचाच एक भाग म्हणून अमेरिकेने अफगाणीस्तानमध्ये आपले वर्चस्व निर्माण करण्याची मोहीम हाती घेतली आहे. आजच्या घटकेला तेथे अमेरिका आणि मित्र देशांचे सैनिक तळ ठोकून आहेत. तेथे तालिबानी आणि अमेरिकन सैनिक यांची हातघाईची लढाई सुरू आहे.
पाकिस्तानमध्ये आता तालिबानी आपले प्रभाव क्षेत्र वाढवत आहेत हे निमित्त देऊन आता अमेरिका तेथेही आपले सैन्यबळ वाढवेल. पाकिस्तानमध्ये हातपाय पसरण्यामागे अमेरिकेचे दोन उद्देश आहेत. तेथे चीनला चंचुप्रवेश करण्याची संधी मिळू नये आणि पाकिस्तानमधून चीनला शह देता यावा. कारण यापुढे चीन अमेरिका संघर्ष अळ आहे. अमेरिका सुपर पॉवर आहे आणि चीनला सुपर पॉवर बनण्याची स्वप्ने पडत आहेत. भले भारत २०२०च्या दशकात सुपर पॉवर बनेल असे आपण म्हणत असू, पण सध्यातरी त्या दिशेने चीनने प्रवास सुरू केला आहे.
एकदा अमेरिका पाकमध्ये घुसली की ते भारतीय कारभारात हस्तक्षेप करण्याची शक्यता वाढली. काश्मीर प्रश्न सोडवण्याची तयारी अमेरिका दाखवेल. अमेरिकेच्या चीनला शह देण्याच्या मोहीमेत नेपाळवर नियंत्रण असणे आवश्यक आहे. तेथे सध्या कम्युनिस्ट सरकार लोकांनी निवडून दिले आहे. त्यामुळे ते सरकार पाडण्यासाठी अमेरिकेला काही वेगळी व्यूहरचना करणे गरजेचे ठरेल.. १९७०च्या दशकात चीलीमध्ये असेच सरकार उलथून टाकण्यासाठी अमेरिकेच्या सीआयएने तेथे वाहतुकदारांचा संप घडवून तेथील अर्थव्यवस्था खिळखिळी केली. तेथील अध्यक्षांची हत्या झाली. नेपाळमध्ये असेच काही घडले तर आश्चर्य वाटायला नको. तेथे अमेरिकेचे वर्चस्व निर्माण होणे भारताला परवडणारे नाही.. कारण आपल्या दोन्ही सीमांवर, पाक आणि नेपाळमध्ये अमेरिकेचे अस्तित्व अशा प्रकारे असणे हे चिंताजनक असेल.
सध्या आंतरराष्ट्रीय स्तरावर भारताने अमेरिकेशी जुळवून घेतले आहे. शीतयुद्धाच्या काळात भारताने तेव्हाच्या सोव्हिएत युनियनबरोबर जाताना अमेरिकेला शह दिला होता. आता अमेरिकेला तसा पर्याय नाही. पण चीनबरोबर जाऊन भारत अमेरिकेच्या वर्चस्ववादाला आळा घालू शकेल, पण अमेरिकेबरोबर अणुकरार करून भारताने अमेरिकेशी नाते पक्के केले आहे. या करारातील छुप्या बाबी अद्याप जाहीर व्हायच्या आहेत. त्या कदाचित भारताला त्रासदायक असू शकतील.
एकीकडे अमेरिका भारताच्या सीमेवरील देशांत आक्रमक होणे आणि त्याच वेळी बांगलादेशात अतिरेकी शक्ती अधिक कार्यरत असणे असा दुहेरी धोका भारतापुढे आहे. बांगलादेशात लोकनियुक्त सरकार असले तरी, बांगलादेश मुक्त करण्यात मोठा वाटा उचलेलेले मुजीबुर रहमान यांच्या हत्येनंतर, गेली तेहतीस वषेर् हा देश हळुहळू अतिरेक्यांचे आश्रयस्थान आणि पर्यायाने भारताची डोकेदुखी बनला आहे. आज पाकिस्तानच्या अनेक भारतविरोधी कारवायांना येथे सहाय्य मिळते. पुढे मागे तालिबानींनी येथे पाय रोवले तर आश्चर्य वाटायला नको. आजही भारतात खोट्या नोटा येण्याचा प्रमुख मार्ग हाच देश आहे. येथे खोट्या नोटा व्यवहारात आणण्यातही बांगलादेशी आघाडीवर आहेत. तेथून येणारे लोंढे थेट आसामपासून ते मुंबईपर्यंत त्रासदायक ठरत आहेत.
यात भर पडली आहे ती भारतातील ४५० पैकी १५० जिल्ह्यांत नक्षलवाद्यांनी पाय रोवले आहेत. ही माहिती केंदीय गृहखात्याच्या अहवालात नमुद केली आहे. यांचे आणि अतिरेक्यांचे अद्याप संबंध प्रस्थापित झालेले नाहीत, पण तसे झाले तर भारतापुढे ती आणखी एक डोकेदुखी ठरेल. तसे होण्याची शक्ती नाकारता येत नाही, कारण अतिरेकी आणि नक्षलवादी या दोघानाही बाह्य शक्तींची मदत मिळते आहे. नक्षलवादी थेट नेपाळ सीमेपासून ते आंध्र प्रदेशपर्यंत हिंसेचा मार्ग आक्रमत आहेत. त्यांची यंत्रणाही बरीच सक्षम आहे असे दिसते आहे. अतिरेकी तर देशभर हिंसाचार माजवत आहेत. भारताची पाक सीमा, नेपाळची सीमा आणि बांगलादेश सीमा या धोकादायक बनल्या आहेत. यात जर अमेरिकेने पाकवर नियंत्रण मिळवले तर उपखंडात माजणारा हिंसाचार प्रचंड असेल. मुस्लीम अतिरेकी भारत, नेपाळ, बांगलादेश येथील भूमीवरून अमेरिकेला विरोध करण्याचे धोरण अवलंबतील. गेल्या काही वर्षांत नेपाळमध्ये अतिरेकी बस्तान बसवत आहेतच. भारतातील विमान कंदाहारला पळवण्यााचे कारस्थान नेपाळमध्येच सुरू झाले. भारतात अतिरेक्यांना मिळणारी शस्त्रे आणि निधी नेपाळमागेर् येतो याचेही पुरावे आहेतच. अमेरिकेला शह देण्याचे निमित्त करून यात वाढ होईल इतकेच.
यात अमेरिका आणि इराण यांचे बिघडत चाललेले संबंधही लक्षात घ्यायला हवेत. अमेरिकेला पाकिस्तान, अफगाणीस्तान, इराण या पट्ट्यावर नियंत्रण मिळवायचे आहे. इराण हा गेली तीन दशके अतिरेकी भूमिका घेत असतो. अमेरिका, इस्त्रायल आणि त्यांना मदत करणारे देश हे इस्लामविरोधी आहेत, त्यांचा खात्मा करणे आवश्यक आहे अशी भाषा इराणमधील सत्ताधारी सतत बोलत असतात.
ही सारी पार्श्वभूमी लक्षात घेता पाकिस्तानमध्ये तालिबानींचे वर्चस्व वाढत आहे ही कबुली केवळ उपखंडासाठी धोकादायक नाही तर यात भारत भरडला जाण्याची शक्यता वाढली आहे. |
Get perfect Email ID for your Resume.
Get before others grab. 
Posts
0 comments:
Post a Comment